Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը շնորհակալություն է հայտնել Լեհաստանի հավաքականի հարձակվող Ռոբերտ Լեւանդովսկուն՝ Գերմանիայի առաջնության հինգերորդ տուրի «Համբուրգի» հետ հանդիպման ժամանակ գոլային փոխանցում կատարելու համար։
Լեհ հարձակվողից կրնկով գեղեցիկ փոխանցում ստանալուց հետո Մխիթարյանը դարձել է իր թիմի երկրորդ գոլի հեղինակը, իսկ հանդիպումն ավարտվել է խաղադաշտի տերերի հաղթանակով՝ 6։2։
«Շնորհակալ եմ քեզ»,- ֆեյսբուքյան իր էջում գրել է 24-ամյա կիսապաշտպանը, տեղադրելով լուսանկար, որում երեւում է, թե ինչպես է նա գոլից հետո շնորհակալություն հայտնում լեհ հարձակվողին։
Ավելի վաղ Լեւանդովսկին հայտարարել է, որ Մխիթարյանին դեռ ժամանակ է հարկավոր գերմանական ակումբի խաղին վերջնականապես հարմարվելու համար։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։