Գերմանական Բունդեսլիգայի 5-րդ տուրում Դորտմունդի «Բորուսիան» սեփական խաղադաշտում 6:2 հաշվով առավելության հասավ «Համբուրգի» նկատմամբ:
Դորտմունդիցների կազմում 2-ական գնդակ խփեցին գաբոնցի հարձակվող Պյեր-Էմերիկ Օբամեյանգն ու լեհ ռմբարկու Ռոբերտ Լեւանդովսկին: Հայաստանի հավաքականի կիսապաշտպան Հենրիխ Մխիթարյանը 22-րդ րոպեին խփեց «Բորուսիայի» երկրորդ գնդակը, իսկ 65-րդ րոպեին գոլային փոխանցում կատարեց Օբամեյանգին: 24-ամյա Մխիթարյանը Գերմանիայի ընթացիկ առաջնությունում իր գոլերի քանակը հասցրեց 3-ի, իսկ 79-րդ րոպեին փոխարինվեց՝ ունենալով եւս մի քանի գոլային պահ:
Յուրգեն Կլոպի թիմը տարավ 5-րդ անընդմեջ հաղթանակը՝ 15 միավորով միանձնյա գլխավորելով մրցաշարային աղյուսակը: Երկրորդ տեղում գտնվող Մյունխենի «Բավարիան» ունի 13 միավոր, իսկ «Համբուրգը» 15-րդն է՝ 4 միավոր:
Գերմանիայի առաջնություն, 5-րդ տուր
«Բորուսիա» - «Համբուրգ»՝ 6:2
Պյեր-Էմերիկ Օբամեյանգ, 19, 65, Հենրիխ Մխիթարյան, 22, Ռոբերտ Լեւանդովսկի, 73, 81, Մարկո Ռոյս, 74 – Ժի Գին Լամ, 26, Հայկո Վեստերման, 49
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։