Կառլեն Մկրտչյանը մարզվել է «Անժիի» ընդհանուր խմբում

11:57   14 սեպտեմբերի, 2013

Մախաչկալայի «Անժիի» եւ Հայաստանի հավաքականի կիսապաշտպան Կառլեն Մկրտչյանը մարզվել է ընդհանուր խմբում, հաղորդում է ռուսական ակումբի պաշտոնական կայքը։

Կառլեն Մկրտչյանը, ով վնասվածքի պատճառով փոխարինվել էր Հայաստան - Դանիա հանդիպման ժամանակ, սեպտեմբերի 13-ին ընդհանուր խմբում մասնակցել է թիմի մարզմանը։ Սեպտեմբերի 14-ի առավոտյան Մախաչկալայի թիմը «Լուժնիկի» ստադիոնում վերջին մարզումը կանցկացնի եւ կմեկնի Տոմսկ, որտեղ կմասնակցի Ռուսաստանի առաջնության 8-րդ տուրի «Տոմսկի» հետ հանդիպմանը։

Ավելի վաղ Հայաստանի հավաքականի կիսապաշտպանը հայտարարել էր, որ 2014թ. աշխարհի առաջնության ընտրական փուլի Չեխիայի հետ արտագնա հանդիպման ժամանակ խաղում էր հեմատոմայով։

Հիշեցնենք, որ Ռուսաստանի առաջնության 7 տուրից հետո «Անժին» ունի 3 միավոր եւ զբաղեցնում է 15-րդ տեղը։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.