Շեւչենկոն տապալել է գոլֆի իր առաջին մրցաշարը

16:51   13 սեպտեմբերի, 2013

Իտալական «Միլանի», Լոնդոնի «Չելսիի» եւ Ուկրաինայի հավաքականի նախկին հարձակվող Անդրեյ Շեւչենկոն որոշել է փորձել իր ուժերը գոլֆում՝ մասնակցելով Խարկովի Superior Cup մրցաշարին, հաղորդում է ESPN-ը։

Սեպտեմբերի 12-ին տեղի ունեցած առաջին փուլում «Ոսկե գնդակի» 2004-ի դափնեկիրը +12 արդյունք է ցույց տվել՝ զբաղեցնելով 118-րդ տեղը: 36-ամյա ուկրաինացու խոսքերով՝ նրան դուր է եկել նոր փորձը՝ չնայած անհաջող ելույթին:

«Սա ընդհանրապես այլ խաղ է, երբ դու անընդհատ գտնվում ես ճնշման տակ։ Սակայն հաճույք ստացա եւ ուրախ եմ, որ այս մրցաշարում եմ, թող որ արդյունքներն այդքան բարձր չեն»,- ասել է Շեւչենկոն:

Մրցաշարին մասնակցում է նաեւ ռուս նախկին թենիսիստ Եվգենի Կաֆելնիկովը։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։