Յուրա Մովսիսյան. Մշտական վնասվածքները թույլ չեն տալիս Հայաստանի հավաքականին լավ արդյունքներ ցույց տալ
16:28 13 սեպտեմբերի, 2013Այնպես է ստացվել, որ 2014թ. աշխարհի առաջնության ընտրական փուլում ընդամենը մեկ անգամ ենք խաղացել օպտիմալ կազմով՝ չեխերի դեմ։ Այդ ժամանակ հյուրընկալվելիս հաղթել ենք 2։1 հաշվով, հայտարարել է Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը։ Հարձակվողը պնդում է, որ մշտական վնասվածքները խանգարում են հավաքականին լավ արդյուքներ ցույց տալ։
«Հաշվի առնելով հանգամանքները՝ կարծում եմ, որ Հայաստանի հավաքականը վատ չէ հանդես գալիս։ Հեռանկարային թիմ ունենք, ինչը ցուցադրեցինք Դանիայի հավաքականի հետ արտագնա խաղում։ Չեմ հիշում, որ ինչ-որ մեկը դանիացիների հետ արտագնա խաղում չորս գնդակ խփեր։
Աշխարհի ուժեղագույն հավաքականներից մեկի՝ Իտալիայի հետ 60-ից 70 րոպե հավասար էինք խաղում՝ առանց հիմնական կազմի երեք-չորս ֆուտբոլիստի։ Հայաստանը շատ բան է կարող։ Հատկապես երբ բոլորը կազմում են»,- Մովսիսյանի խոսքը մեջբերում է «Итар-тасс»-ը։
Հիշեցնենք, որ Հայաստանի հավաքականն աշխարհի առաջնության ընտրական մրցաշարի B խմբում ունի 9 միավոր՝ զբաղեցնելով նախավերջին տեղը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.