Կազմալուծված «Երեւան Յունայթեդ» ֆուտբոլային ակումբը 2014-ին կվերակազմավորվի։
2004-ին ակումբը հիմնադրած ավստրալահայ Տիգրան Հովիվյանը դիմել է թիմի երկրպագուներին ու հայտնի հայերին՝ կոչ անելով միջոցներ ներդնել ակումբը զարգացնելու համար։
Հովիվյանը պլանավորում է գումար հավաքել Indiegogo.com հայտնի պորտալի միջոցով։ Ակումբի մամուլի հաղորդագրության համաձայն՝ «Երեւան Յունայթեդին» համաձայնվել են օգնել պրոֆեսիանալ բռնցքամարտի աշխարհի նախկին չեմպիոն Վիկ Դարչինյանն ու երաժիշտ Արթուր Իսպիրյանը։ Ակումբը մտադիր է համալրվել երիտասարդ հայ ֆուտբոլիստներով՝ տարբեր մարզերից։
Հիշեցնենք, որ «Երեւան Յունայթեդը» նախկինում եւս վերակազմավորվել էր, սակայն ավելի ուշ կազմալուծվեց երկրորդ անգամ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։