Հայաստանի եւ Դանիայի հավաքականները մարզվել են Երեւանում

Ֆուտբոլի Հայաստանի եւ Դանիայի հավաքականները Երեւանում պատրաստվում են սեպտեմբերի 10-ին «Հրազդան» ստադիոնում կայանալիք աշխարհի առաջնության ընտրական մրցաշարի պատասխան հանդիպմանը: Կոպենհագենում կայացած առաջին խաղում Հայաստանը հաղթել է 4:0 հաշվով:

Սեպտեմբերի 8-ին Դանիայի հավաքականը մարզվել է «Հրազդան» ստադիոնում: Վարդան Մինասյանի թիմը երկրորդ մարզումն անցկացրել է Ավանի Ֆուտբոլային ակադեմիայում:

Դանիայի հավաքականը Մալթայի հետ խաղից հետո ունի մեկ կորուստ: Վնասվածքի պատճառով թիմիn չի կարողանա օգնել Նիկլաս Պեդերսենը:

Հայաստանի հավաքականում կբացակայեն որակազրկված Յուրա Մովսիսյանն ու Ռոբերտ Արզումանյանը եւ վնասվածք ստացած Ռոման Բերեզովսկին:

Սեպտեմբերի 9-ին Հայաստանի եւ Դանիայի հավաքականների գլխավոր մարզիչները կպատասխանեն լրագրողների հարցերին:

Հայաստան - Դանիա հանդիպումը կմեկնարկի սեպտեմբերի 10-ին, 20.00-ին:

Ֆոտո՝ NEWS.am Sport