Հայաստանի առաջին մասնակցությունն արբալետի Եվրոպայի առաջնությանը
11:14 7 սեպտեմբերի, 2013Հրաձգության Հայաստանի հավաքականի անդամ, ԵՀՄՄ-ի մարզիկ Քրիստիան Լաուերը մասնակցել է Ավստրիայի Ինսբրուկ քաղաքում սեպտեմբերի 2-ին մեկնարկած արբալետի Եվրոպայի առաջնությանը, հաղորդում է Հայաստանի հրաձգության ֆեդերացիայի կայքը։
Եվրոպայի առաջնությունը կավարտվի սեպտեմբերի 8-ին: Հայաստանն առաջին անգամ է մասնակցում արբալետի մրցումներին: Լաուերը մրցմանը մասնակցել է մարզիչ Իրինա Աղաջանյանի գլխավությամբ:
Մարզիկները կրակել են 10մ, 30մ և 65մ հեռավորությունից: Հայաստանի միակ ներկայացուցիչը սեպտեմբերի 5-ին կրակել է 10մ հեռավորությունից՝ 60 կրակոց վարժությունը եւ 580 միավորով զբաղեցրել մրցաշարային աղյուսակի 11-րդ տեղը:
Հայաստանի թիմին հրավիրել են Ինսբրուկի գլխավոր հրապարակ. թիմը շրջել է ՀՀ պետական դրոշով, ծանոթացել ավստրիացի մարզական եւ քաղաքական գործիչների հետ, ովքեր ողջունել են Հայաստանի առաջին մասնակցությունը արբալետի մրցումներում: Թիմին մեծ ուրախությամբ է ընդունել նաեւ տեղի հայ համայնքը: Հայաստանի հավաքականին են անդրադարձել ավստրիական որոշ լրատվամիջոցներ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.