Պետր Չեխ. Ներողություն ենք խնդրում մեր երկրպագուներից
23:16 6 սեպտեմբերի, 2013Չեխիայի հավաքականի եւ Լոնդոնի «Չելսիի» դարպասապահ Պետր Չեխը ներողություն է խնդրել չեխ ֆուտբոլասերներից աշխարհի առաջնության ընտրական մրցաշարի խաղում Հայաստանի հավաքականին 1:2 հաշվով պարտվելու համար, Պրահայից հաղորդում է NEWS.am Sport-ի թղթակիցը:
«Ներողություն ենք խնդրում մեր երկրպագուներից: Այս խաղում շատ էինք ցանկանում հաղթել: Ունեինք մի շարք լավ պահեր, բայց չկարողացանք հասնել վերջնական հաջողության: Մեծ դեր խաղաց նաեւ հաջողության գործոնը: Առաջին գնդակը ես պետք է հետ մղեի: Իմ մեղավորությունը կար այդ գոլում: Մնացած խաղերում պետք է անպայման հաղթանակ տանենք»,- խաղից հետո լրագրողների հետ ճեպազրույցում ասել է ժամանակակից ֆուտբոլի լավագույն դարպասապահներից մեկը:
Հիշեցնենք, որ Հայաստանի հավաքականը Պրահայում 2:1 հաշվով պարտության մատնեց չեխերին, իսկ սեպտեմբերի 10-ին Երեւանում կընդունի դանիացիներին:
Հայաստանի եւ Չեխիայի հավաքականները B խմբում 7-ական խաղից հետո ունեն 9-ական միավոր եւ զիջում են 6 խաղից հետո 14 միավոր վաստակած Իտալիայի եւ նույնպես 6 խաղից հետո 10 միավոր ունեցող Բուլղարիային:
2014թ. Աշխարհի առաջնություն, ընտրական փուլ
Չեխիա - Հայաստան՝ 1։2
Թոմաշ Ռոսիցկի, 69 - Կառլեն Մկրտչյան, 31, Գեւորգ Ղազարյան, 92
Վերա Մարտիրոսյան՝ Պրահայից
NEWS.am Sport-ը Չեխիա - Հայաստան հանդիպումը լուսաբանում է Պրահայից հայաստանյան «Վիվառո» բուքմեյքերական ընկերության աջակցությամբ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.