Սեպտեմբերի 6-ին կայացած Չեխիա – Հայաստան (1:2) աշխարհի առաջնության ընտրական խաղից հետո Հայաստանի հավաքականի եւ լեհական «Վիձեւի» պաշտպան Լեւոն Հայրապետյանը լրագրողների հետ զրույցում պատմել է տպավորությունների մասին, Պրահայից փոխանցում է NEWS.am Sport-ի թղթակիցը:
«Արասը լավ չէր զգում իրեն եւ մարզիչն ինձ դուրս բերեց խաղադաշտ: Չեխերն ավելի շատ գոլային պահեր ունեին, բայց մենք սպասում էինք մեր հնարավորությանը: Մեզ պետք էր հավատալ սեփական ուժերին եւ կարողացանք հաղթել:
Այս հաղթանակն արդեն պատմության գիրկն անցավ: Պետք է մտածել Դանիայի հավաքականի հետ Երեւանում կայանալիք խաղի մասին: Այդ խաղը կլինի ավելի դժվար, քան այս հանդիպումը»,- ասաց Լեւոն Հայրապետյանը:
Վերա Մարտիրոսյան՝ Պրահայից
NEWS.am Sport-ը Չեխիա - Հայաստան հանդիպումը լուսաբանում է Պրահայից հայաստանյան «Վիվառո» բուքմեյքերական ընկերության աջակցությամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։