Հենրիխ Մխիթարյան. Մենք այս խաղով փակեցինք բոլորի բերանը
22:39 6 սեպտեմբերի, 2013Չեխիայի հավաքականին 2:1 հաշվով հաղթելուց հետո Հայաստանի հավաքականի կիսապաշտպան Հենրիխ Մխիթարյանը ճեպազրույցում ամփոփել է հանդիպումը, Պրահայից հաղորդում է NEWS.am Sport-ի թղթակիցը:
«Կարեւորն այն էր, որ մենք հաղթեցինք: Հաղթանակը դժվար էր, բայց մենք կամային որակներ ցույց տվեցինք: Կարող եմ ասել, որ բոլոր հաղթանակները դժվարությամբ են տրվում, չկա հաղթանակ, որ հեշտությամբ կտվրի: Վատն այն է, որ կորուստներ ունեցանք, բայց պետք է մինչեւ հաջորդ խաղը վերակագնվել:
Իմ հանդեպ չէի զգում անհատական հսկողություն: Եղան դեպքեր, երբ ես ազատ էի, եւ ինձ անհատապես չէին հսկում: Կարեւորը, որ մենք հաղթել ենք, թե ինչ կխոսեն մյուսները կարեւոր չէ: Մենք այս խաղով փակեցինք բոլորի բերանը»,- ասել է Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը:
Հայաստանի եւ Չեխիայի հավաքականները B խմբում 7-ական խաղից հետո ունեն 9-ական միավոր եւ զիջում են 6 խաղից հետո 14 միավոր վաստակած Իտալիայի եւ նույնպես 6 խաղից հետո 10 միավոր ունեցող Բուլղարիային:
2014թ. Աշխարհի առաջնություն, ընտրական փուլ
Չեխիա - Հայաստան՝ 1։2
Կառլեն Մկրտչյան, 31, Գեւորգ Ղազարյան, 92 - Թոմաշ Ռոսիցկի, 69
Վերա Մարտիրոսյան՝ Պրահայից
NEWS.am Sport-ը Չեխիա - Հայաստան հանդիպումը լուսաբանում է Պրահայից հայաստանյան «Վիվառո» բուքմեյքերական ընկերության աջակցությամբ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.