ՄՕԿ-ի անդամ. Բեյսբոլը կարող է կրկին ընդգրկվել Օլիմպիական խաղերի ծրագրում
17:14 6 սեպտեմբերի, 2013Բեյսբոլի եւ սոֆտբոլի հայտը ըմբշամարտի ամենակարեւոր մրցակիցն է 2020թ. եւ 2024թ. ամառային Օլիմպիական խաղերի ծրագրում լինելու պայքարում։ Բեյսբոլն ավելի վաղ եղել է Օլիմպիական խաղերի ծրագրում (1992-ից 2008-ը) եւ տարածված խաղ է աշխարհում, հայտարարել է Միջազգային Օլիմպիական Կոմիտեի անդամ, Ռուսաստանի Օլիմպիական կոմիտեի պատվավոր նախագահ Վիտալի Սմիրնովը։ Նա խոսել է բեյսբոլի՝ Օլիմպիական խաղերի ծրագրում ընդգրկվելու հնարավորության մասին։
«Բեյսբոլի խոշորագույն մրցաշարերն անցկացվում են ԱՄՆ-ում, Հարավային Ամերիկայում եւ Ասիայում։ Շատ կարեւոր է նաեւ ամերիկյան լուրջ ճնշման հանգամանքը։ Բեյսբոլը վերջին տարիների ընթացքում չի կտրվել օլիմպիական շարժումից»,- Սմիրնովի խոսքը մեջբերում է «Газета»-ն։
Օլիմպիական ծրագրում ըմբշամարտի մնալու հարցը կվճռվի սեպտեմբերի 7-ից 10-ը Բուենոս Այրեսում կայանալիք ՄՕԿ-ի 125-րդ նստաշրջանում: Օլիմպիական մարզաձեւ դառնալու հավակնություն ունի նաեւ սկվոշը: 125-րդ նստաշրջանի ըթացքում կընտրվի նաեւ 2020թ. օլիմպիական մայրաքաղաքը (թեկնածուներն են Մադրիդը, Ստամբուլը եւ Տոկիոն) եւ ՄՕԿ-ի նոր նախագահ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.