WBO. Արթուր Աբրահամն՝ աշխարհի չեմպիոնի թիվ 1 հավակնորդ
18:50 30 օգոստոսի, 2013Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Ռոբերտ Շտիգլիցի (Գերմանիա) գոտու թիվ մեկ հավակնորդ է դարձել Արթուր Աբրահամը, որի երկիրը WBO վարկանիշային աղյուսակում նշված է Հայաստանը։ Այդ մասին հայտնի է դարձել Հունգարիայում մայրաքաղաք Բուդապեշտում ընթացող Բռնցքամարտի համաշխարհային կազմակերպության (WBO) 26-րդ ամենամյա կոնգրեսում, որին ներկա են նաեւ Արթուր Աբրահամն ու Ռոբերտ Շտիգլիցը, հաղորդում է Fightnews.com-ը։
Արթուր Աբրահամն օգոստոսյան վարկանիշային աղյուսակում չորրորդ տեղում է, սակայն նամիբիացի Վիլբեֆորսե Շիհեփոյի նկատմամբ տարած հաղթանակի շնորհիվ սեպտեմբերից կլինի առաջինը։
Ռոբերտ Շտիգլիցը Աբրահամի հետ մենամարտ կանցկացնի 2014 թվականին, իսկ նախքան այդ գերմանացի բռնցքամարտիկը եւս մեկ մենամարտ կունենա հոկտեմբերին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։