Աբրահամ. Հայաստանում մենամարտ անցկացնելու ցանկությունը մեծ է
13:01 17 ապրիլի, 2012Արթուր Աբրահամը Հայաստան գալիս է միայն հանգստանալու համար: Հայասատնում սիրում է հանգստանալ ընտանիքի` տատիկի, քրոջ հետ: Ամեն տարի այցելում է պապիկի շիրիմին: Այդ մասին պրոֆեսիոնալ բռնցքամարտի աշխարհի նախկին չեմպիոնը հայտարարել է Երեւանում հրավիրած ասուլիսում:
«Հայաստանում մենամարտ անցկացնելու ցանկությունը մեծ է, սակայն կազմակերպելը բարդ է: Առայժմ ես Հայաստան եմ գալիս միայն հանգստանալու համար»,- ասել է Աբրահամը:
Բռնցքամարտիկը հայտարարել է, որ 72,5 կգ քաշային կարգում իրեն ավելի լավ էր զգում, իսկ 76-ում որոշակի դժվարություններ կան, այս տարվա մենամարտերում փորձում է նոր մարտավարություն կիրառել:
Աբրահամը կարծիք է հայտնել գերմանահայ բռնցքամարտիկներ Դավիթ Գրաֆի եւ Սյուզի Կենտիկյանի մասին:
«Դավիթ Գրաֆը լավ բռնցքամարտիկ է, սակայն մենամարտում պետք է ապացուցի իր ուժը:
Նույնպես Գերմանիայում բնակվող Սյուզի Կետիկյանն այնքան ուժեղ է, որ ցանկացած մրցակցի կհաղթի, այդ թվում եւ մայիսին կայանալիք չեմպիոնական մենամարտում: Սակայն Կենտիկյանի մրցակիցը դեռ հայտնի չէ»,- ասել է Աբրահամը:
Մոտ օրերի ծրագրերի մասին Աբրահամը հայտնել է, որ ապրիլի 21-ին մեկնում է Գերմանիա` «թաքնված տեսախցիկ» հաղորդմանը մասնակցելու համար: Նրան կընկերակցի Միսս Գերմանիան: Ապրիլի 26-ին Աբրահամի մարզիչի 70-ամյակն է, որը նշվելու է մեծ շուքով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.