Արթուր Աբրահամ. Անձնական կյանքում նորություն կա
12:37 17 ապրիլի, 2012Անձնական կյանքում նորություն կա, սակայն «առուն թռնենք նոր ասենք հոպ»: Այդ մասին Երեւանում հրավիրած մամուլի ասուլիսում հայտարարել է պրոֆեսիոնալ բռնցքամարտի աշխարհի նախկին չեմպիոն Արթուր Աբրահամը: Նա ասել է, որ հարսնացուն հեռուստահաղորդավար Գոհար Գասպարյանը չէ, որի հետ ընդամենը մտերիմ ընկերներ են: Աբրահամի սիրած աղջիկը հայ է, եւ այլ կերպ չէր էլ կարող լինել, ձեւակերպել է Աբրահամը:
Պրոֆեսիոնալ կարիերայում Աբրահամի հաջորդ գերնպատակը դարձյալ աշխարհի չեմպիոնի տիտղոսի համար մենամարտ անցկացնելն է: Հաջորդ մենամարտը տեղի է ունենալու օգոստոսի 25-ին: Մեծ է ցանկությունը, որ մրցակիցը լինի գերմանացի Ռոբերտ Շտիգլիցը, սակայն նախքան այդ Շտիգլիցը դրա համար դեռ պետք է հաղթի իր մենամարտում:
Հայտնի բռնցքամարտիկը Հայաստանի հետ կապված ծրագրեր ունի: Նպատակ կա ստեղծել մշակույթի եւ սպորտի կենտրոն, արդեն կա հիմնադրամ` «Ներքին Չարբախ», բայց բոլոր ծրագրերը կյանքի կկոչվեն մենամարտերից հետո:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.