Շումախերը կրկին կմասնակցի Չեմպիոնների մրցավազքին

Ցանկանում ենք կրկին հաղթել, հայտարարել է Ֆորմուլա-1-ի յոթակի չեմպիոն Միխայել Շումախերը: Գերմանացի ավտոարշավորդը կմասնակցի Ազգերի Գավաթին։

Հիշեցնենք, որ Շումախերը Սեբաստիան Ֆետելի հետ գերմանական թիմի կազմում հաղթել է Ազգերի գավաթի վերջին 6 խաղարկություններում։

«Այն փաստը, որ սա ինձ համար կարող է լինել 7-րդ տիտղոսը մրցավազքն ինձ համար ավելի յուրահատուկ է դարձնում։ Պատրաստ եղեք Գերմանիայի թիմի լավ ելույթին։

Այս տարի ես կրկին շատ ժամանակ եմ անցկացնում մեքենայի ղեկին, սակայն ոչ Ֆորմուլա-1-ի։ Ես դեռ լավ մարզավիճակի մեջ եմ»,- Շումախերի խոսքը մեջբերում է Autosport-ը։

Հիշեցնենք, որ Չեմպիոնների մրցավազքը տեղի կունենան դեկտեմբերին Բանգկոկում։