Լուիսը «Չելսիի» ղեկավարությանը կխնդրի իրեն բաց թողնել «Բարսելոնա»

Լոնդոնի «Չելսիի» եւ Բրազիլիայի հավաքականի պաշտպան Դավիդ Լուիսն օգոստոսի 12-ին մտադիր է հանդիպել անգլիական ակումբի ղեկավարության հետ՝ հայտնելու կատալոնական «Բարսելոնա» տեղափոխվելու ցանկության մասին, հաղորդում է Mundo Deportivo-ն։

Ավելի վաղ կատալոնական ակումբը ֆուտբոլիստի համար 35 միլիոն ֆունտ է առաջարկել, սակայն Ռոման Աբրամովիչի թիմը մերժել է այդ առաջարկը։ Իսպանիայի չեմպիոնի տնօրեն Ռաուլ Սանլյեխին ժամանել է Լոնդոն, որտեղ հանդիպել է Լուիսի գործակալի հետ։

Անգլիական ակումբի գլխավոր մարզիչ Ժոզե Մոուրինյոն կտրականապես դեմ է 26-ամյա Լուիսին վաճառելուն, քանի որ ֆուտբոլիստին դիտարկում է որպես թիմի առանցքային խաղացողներից մեկը։