Սարգիս Շահինյանը տեղափոխվեց «Բրագա»
15:17 6 օգոստոսի, 2013Երեւանի «Միկայի» կիսապաշտպան Սարգիս Շահինյանը օգոստոսի 6-ին մեկնեց Պորտուգալիա, որտեղ վարձավճարով հանդես կգա «Բրագայի» կազմում, հաղորդում է հայկական ակումբի պաշտոնական կայքը։
17-ամյա ֆուտբոլիստը մայիսին հաջողությամբ փորձաշրջան է անցել պորտուգալական ակումբում։ Նա վարձավճարով մեկ տարի հանդես կգա «Բրագայի» կազմում։
Սարգիս Շահինյանը Հայաստանի 19 տարեկանների եւ երիտասարդական հավաքականի թեկնածու է, եւ ընդգրկվել է օգոստոսի 11-ին Եվրոպայի երիտասարդական առաջնության Ղազախստանի մինչեւ 21 տարեկանների հավաքականի հետ հանդիպման ընդլայնված ցուցակում։ Շահինյանը սեպտեմբերի 10-ին կդառնա 18 տարեկան։
Կիսապաշտպանը «Միկայի» կազմում մասնակցել է «Փյունիկի» դեմ Հայաստանի առաջնության առաջին տուրի հանդիպմանը։
Հիշեցնենք, որ 2011-ին Եվրոպայի լիգայի եզրափակիչում «Բրագան» նվազագույն հաշվով պարտվեց «Պորտուին»։
(Ֆոտո՝ ՈւԵՖԱ-ի կայք)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.