«Չելսին» 5:1 հաշվով հաղթեց «Տոտենհեմին» եւ դուրս եկավ Անգլիայի գավաթի խաղարկության եզրափակիչ:
Լոնդոնի «Ուեմբլի» ստադիոնում կայացած կիսաեզրափակիչ հանդիպման հաշիվը 43-րդ րոպեին բացեց «Չելսիի» կոտդիվուարցի հարձակվող Դիդյե Դրոգբան: Ընդմիջումից անմիջապես հետո Իսպանիայի հավաքականի կիսապաշտպան Խուան Մատան կրկնապատկեց «Չելսիի» առավելություն, սակայն րոպեներ անց «Տոտենհեմի» կիսապաշտպան Գարեթ Բեյլը կրճատեց հաշվի տարբերությունը: Խաղավերջում «Չելսիի» կիսապաշտպաններ Ռամիրեսը, Ֆրենկ Լեմպարդն ու Ֆլորան Մալուդան եւս երեք գնդակ ուղարկեցին Կարլո Կուդիչինիի պաշտպանած դարպասը: «Չեսլին» վստահ հաղթանակ տարավ եւ դուրս եկավ եզրափակիչ, որտեղ ուժերը կչափի «Լիվերպուլի» հետ:
Անգլիայի գավաթի խաղարկության եզրափակիչը կկայանա մայիսի 5-ին «Ուեմբլի» ստադիոնում:
Անգլիայի Գավաթ. կիսաերզափակիչ
«Չելսի» - «Տոտենհեմ»՝ 5:1
Դրոգբա, 43, Մատա, 50, Ռամիրես, 77, Լեմպարդ, 81, Մալուդա, 90 – Բեյլ, 56
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։