«Ուլիսի» կիսապաշտպանը տեղափոխվեց «Արարատ»

Երեւանի «Ուլիսի» կիսապաշտպան Արամ Բարեղամյանը տեղափոխվել է «Արարատ»: Այդ մասին NEWS.am Sport-ի թղթակցին հայտնեցին «Արարատի» մամուլի ծառայությունից:

25-ամյա ֆուտբոլիստի պայմանագիրն «Արարատի» հետ նախատեսված է մինչեւ 2014-ի մայիսը: Արամ Բարեղամյանը 11 խաղ է անցկացրել Հայաստանի երիտասարդական հավաքականի կազմում:

Ավելի վաղ «Ուլիսից» «Արարատ» էին տեղափոխվել Արսեն Բալաբեկյանը, Մանվել Աֆրկյանը եւ Հայաստանի ազգային հավաքականի նախկին կիսապաշտպան Դավիթ Գրիգորյանը: «Արարատի» նորեկների թվում են նաեւ սերբ պաշտպան Միլոշ Ստամենկովիչը, սերբ կիսապաշտպան Դարիո Ռակիչը եւ դարպասապահներ Ստեփան Ղազարյանն ու Գրիգոր Մելիքսեթյանը: