«Grand Shlem». Հովհաննես Դավթյանը՝ բրոնզե մեդալակիր
12:50 22 հուլիսի, 2013Հուլիսի 20-ից 21-ը Մոսկվայում անցկացվեց ձյուդոյի «Grand Shlem» վարկանիշային մրցաշարը, որին մասնակցում էին 40 երկրների 295 ձյուդոիստներ, հայտնում են Հայաստանի ձյուդոյի ֆեդերացիայից:
Մրցումների առաջին օրը բրոնզե մեդալ նվաճեց գյումրեցի Հովհաննես Դավթյանը, ով միայն կիսաեզրափակիչում զիջեց վրացի Ամիրան Պապինաշվիլիին:
Մինչեւ այդ Հովհաննեսը հաղթել էր ղազախ Աիբեկ Իմաշեվին, Ռուսաստանը ներկայացնող Ռոբերտ Մշվիդոբաձեին եւ բուլղարացի Յանիսլավ Գերչեւին: Բրոնզե մեդալի համար գոտեմարտում Դավթյանը հաղթեց հոլանդացի Միկոս Սալմինենին: Այս քաշային կարգում հաղթող դարձավ Ամիրան Պապինաշվիլին, ով եզրափակիչում պարտության մատնեց բրազիլիացի Ֆելիպե Կիտադաին:
Մրցաշարի մրցանակակիրները ձեռք են բերում համապատասխան վարկանիշային միավորներ՝ 2016-ի Օլիմպիական խաղերին մասնակցելու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։