«Մանչեսթեր Սիթին» երկրորդ պարտությունը կրեց Պելեգրինիի գլխավորությամբ
00:50 19 հուլիսի, 2013Հարավային Աֆրիկայում շրջագայող անգլիական «Մանչեսթեր Սիթին» հուլիսի 18-ին ընկերական խաղում 1:2 հաշվով պարտվել է հարավաֆրիկյան «Ամազուլու» թիմին: Մանչեսթերցիներից 26-րդ րոպեին աչքի է ընկել անգլիացի կիսապաշտպան Ջեյմս Միլները, ով հավասարեցրել է հաշիվը: Դաշտի տերերը հաղթական գնդակը խփել են 89-րդ րոպեին՝ անվրեպ իրացնելով 11 մետրանոց հարվածը:
«Մանչեսթեր Սիթին» խաղացել է հետեւյալ մեկնարկային կազմով. Հարթ (Պանտիլիմոն, 46), Ռիչարդս (Սաբալետա, 45), Կոմպանի (Գարսիա, 45), Նաստասիչ (Լեսկոտ, 69), Կոլարով (Բոյատա, 75), Նասրի (Սուարես, 69), Տուրե (Ռոդուել, 45), Միլներ (Ռազակ, 75), Սինկլեր, Ֆերնանդինյո (Բերի, 69), Ջեկո (Նիմելի, 75):
Սա «Մանչեսթեր Սիթիի» երկրորդ պարտությունն էր թիմի նորանշանակ գլխավոր մարզիչ Մանուել Պելեգրինիի գլխավորությամբ: Օրեր առաջ մանչեսթերցիները 0:2 հաշվով պարտվել էին հարավաֆրիկյան «Սուպերսպորտ Յունայթեդին»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.