Սերենա Ուիլյամս. Միշտ սիրել եմ խաղալ գրունտի վրա
13:51 17 հուլիսի, 2013Թենիսը շատ սիրելու պատճառներից մեկն այն է, որ ես հաճախ եմ լինում տարբեր երկրներում՝ խաղալով լեփ-լեցուն ստադիոններում, ասել է աշխարհի առաջին ռակետ Սերենա Ուիլյամսը, ով Բոստադի մրցաշարի առաջին շրջանում 6:1, 6:2 հաշվով հաղթել է ղազախստանցի Սերիլ Կարատանչեւային:
«Միշտ ուրախանում եմ հաջորդ փուլ դուրս գալու համար՝ անկախ նրանից, թե ում եմ հաղթել: Ստադիոնը լեփ-լեցուն էր, իսկ ես չէի սպասում դրան: Ես դուրս եկա կորտ եւ շատ լավ զգացի ինձ: Թենիսը շատ սիրելու պատճառներից մեկն այն է, որ ես հաճախ եմ լինում տարբեր երկրներում՝ խաղալով լեփ-լեցուն ստադիոններում: Դա մեծ պատիվ է ինձ համար:
Միշտ սիրել եմ խաղալ գրունտի վրա, թեեւ այնքան էլ լավ արդյունքներ չեմ գրանցում այս կորտերում: Սիրում եմ սահել գրունտի վրա: Վերջին շրջանում հարդը շատ դանդաղ է դարձել, այնպես որ Շվեդիայի մրցաշարը հիանալի նախապատրաստություն կլինի մրցաշրջանի մնացած հատվածի համար»,- Սերենայի խոսքը փոխանցում է WTA-ի կայքը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.