Հանս-Իոահիմ Վատցկե. Մխիթարյանի տրանսֆերի ժամանակ օգնեց այն, որ Հենրիխը ցանկանում էր խաղալ «Բորուսիայում»
09:56 15 հուլիսի, 2013Կային թիմեր, որոնք Մխիթարյանի համար մեզանից ավելի շատ գումար էին առաջարկում, հայտարարել է Դորտմունդի «Բորուսիայի» գործադիր տնօրեն Հանս-Իոահիմ Վատցկեն՝ խոսելով Հայաստանի հավաքականի կիսապաշտպան Հենրիխ Մխիթարյանի տեղափոխության մասին։
«Նորեկները լավ են հարմարվում։ Նրանք գոլեր են խփում եւ գոլային փոխանցումներ կատարում։ Թիմը հիանալի մարզավիճակում է գտնվում, սակայն գիտենք, որ մեզ դեռ երկար ճանապարհ է սպասվում։ Հենրիխ Մխիթարյանի տրանսֆերի ժամանակ կային բազմաթիվ հանգամանքներ, որոնք հետաձգում էին ֆուտբոլիստի տեղափոխությունը։ Առաջին հերթին՝ տարբեր կողմեր էին մասնակցում այս տրանսֆերին։ Ֆուտբոլիստի ծառայություններով էին հետաքրքրվում մի քանի ակումբներ։ Կային թիմեր, որոնք մեզանից շատ գումար էին առաջարկում։
Մխիթարյանի տրանսֆերի ժամանակ օգնեց այն, որ Միկին ցանկանում էր խաղալ «Բորուսիայում»։ Այդ հանգամանքն օգնեց մեզ ավարտին հասցնել այս տրանսֆերը»,- Վատցկեի խոսքը մեջբերում է spox.com-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.