Գելզենկիրխենի «Շալկեի» իսպանացի ռմբարկու Ռաուլ Գոնսալեսն ընթացիկ մրցաշրջանի վերջում կտեղափոխվի Քաթարի «Ալ Ահլի» ակումբ: Գերմանական Bild պարբերականը հայտնում է, որ այս տեղեկությունը պաշտոնական է:
«Ամեն ինչ որոշված է: Ռաուլն առաջարկ էր ստացել նաեւ ամերիկյան «Սիեթլ» ակումբից, սակայն նա Քաթարի ակումբի հետ պայմանավորվել էր դեռեւս հունվարին»,- նշել է Marca թերթի սյունակագիր Ռոբերտո Գոմեսը, ով Ռաուլի գործակալ Հինես Կարվախալի ընկերն է:
Հաղորդվում է, որ արաբական ակումբը չորս տարվա պայմանագիր է առաջարկել Ռաուլին, ում համաձայնագիրը «Շալկեի» հետ ավարտվում է ամռանը:
Այս պահին «Ալ Ահլին» եզրափակում է Քաթարի առաջնության մրցաշարային աղյուսակը: Անցկացրած 20 խաղերում թիմն ընդամենը երեք հաղթանակ է տարել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։