Հենրիխ Մխիթարյան. Աբրահամն ասել է՝ որեւէ բանի կարիք ունենալու դեպքում, դիմեմ իրեն
22:28 12 հուլիսի, 2013«Արթուր Աբրահամին «Բորուսիայի» մասին չեմ հարցրել, քանի որ չեմ կարծում, որ նա այս ոլորտին տիրապետում է: Բայց նա ինձ ասել է, որ ամեն պահի կարող եմ դիմել իրեն, եթե ինչ-որ բանի կարիք ունենամ»: Այդ մասին Շվեյցարիայում հավաք անցկացնող Դորտմունդի «Բորւսիայի» նորեկ Հենրիխ Մխիթարյանն ասել է մամուլի ասուլիսի ժամանակ: Հենրիխ Մխիթարյանը պատասխանել է ֆրանսերեն:
«Ամենեւին հեշտ չէ նոր թիմ մտնելը: Բայց «Բորուսիան» շատ լավ ակումբ է, եւ այն հեշտացնում է այդ ընթացքը: Ես ուրախ եմ, որ առայժմ ամեն ինչ այսքան լավ է: Քեւին Գրոսկրոյցը պատմել է ինձ ամենակարեւոր բաներն ակումբի մասին (Շվեյցարիայում ընթացող հավաքի ժամանակ Մխիթարյանն ու Գրոսկրոյցը կիսում են նույն սենյակը):
Ակումբ ընտրելիս առաջնորդվել եմ ներքին զգացումով: «Լիվերպուլն» ունի փառահեղ անցյալ, «Բորուսիան»՝ ներկա:
Արթուր Աբրահամին «Բորուսիայի» մասին չեմ հարցրել, քանի որ չեմ կարծում, որ նա այս ոլորտին տիրապետում է: Բայց նա ինձ ասել է, որ ամեն պահի կարող եմ դիմել իրեն, եթե ինչ-որ բանի կարիք ունենամ:
Ես ցանկանում եմ «Բորուսիայի» հետ հասնել դրված նպատակներին: Բունդեսլիգան շատ հետաքրքիր է: Գիտեմ, որ դորտմունդյան ստադիոնում մթնոլորտը բացառիկ է: Տպավորիչ է ամեն անգամ ունենալ 80 հազար հանդիսական: Շատ են ֆանատները Հարավային տրիբունայում: Այն փաստը, որը ես «Բորուսիայի» ամենաթանկ ձեռքբերումն եմ, ինձ ոչինչ չի տալիս: Բայց ես թիմին կտամ ամեն ինչ, որպեսզի իմ տրանսֆերի վրա ծախսած ոչ մի եվրոցենտի համար «Բորուսիան» ոչ մի վայրկյան չափսոսա»,- ասել է Հենրիխ Մխիթարյանը մամուլի ասուլիսի ժամանակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.