Հենրիխ Մխիթարյան. «Բորուսիա» տեղափոխվելիս լսել եմ սրտիս ձայնին (ֆոտո)
16:48 12 հուլիսի, 2013Ցանկանում եմ օգնել թիմին եւ ամեն ինչ կանեմ՝ չհիասթափեցնելու բոլոր այն մարդկանց, ովքեր հույսեր են կապում ինձ հետ, Դորտմունդի «Բորուսիայի» կազմում իր առաջին մամուլի ասուլիսի ժամանակ հայտարարել է Հայաստանի հավաքականի կիսապաշտպան Հենրիխ Մխիթարյանը։
Մխիթարյանը մամուլի ասուլիսը սկսել է «Dankeschön» (շնորհակալություն) խոսքով։
«Բորուսիա» տեղափոխվելիս լսել եմ սրտիս ձայնին։ Ցանկանում եմ ապացուցել, որ «Բորուսիան» զուր չէ ինձ ձեռք բերել։ Բունդեսլիագայում խաղալը շատ հետաքրքրիր կլինի, իսկ «Վեսթֆալենշտադիոնի» մթնոլորտը պարզապես աննկարագրելի է։ Կխնդրեի ինձ չհամեմատել Մարիո Գյոտցեի հետ, քանի որ ցանկանում եմ միայն օգնել թիմին։ Քեւին Գրոսկրոյցն ինձ օգնում է հարմարվել եւ նույնիսկ «Բորուսիայի» երգն է սովորեցրել», - Մխիթարյանի խոսքը մեջբերում է Sky Sport-ի լրագրող Ստեֆան Շաուբլեն։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.