Ուկրաինայում քիլերը սպանել է ձյուդոյի աշխարհի չեմպիոնին

Դնեպրոպետրովսկում սպանվել է մարզիկ եւ գործարար, աշխարհի եւ Եվրոպայի ձյուդոյի չեմպիոն Քոբա Նադիրաձեն, հաղորդում է Lenta.ru-ն։

Սպանությունը տեղի է ունեցել հուլիսի 10-ին Նադիրաձեի տան մոտակայքում: Առաջին փամփուշտը դիպչել է ձյուդոիստի ստամոքսին, բայց նա փորձել է փախչել։ Քիլերը հասել է նրան եւ մի քանի անգամ կրակել մարզիկի վրա: Ստացած հրազենային վնասվածքներից մարզիկը մահացել է տեղում:

Քիլերը հեռացել է՝ վերցնելով սպանվածի մարզական պայուսակը, որի պարունակությունն անհայտ է: Նադիրաձեն պաշտոնապես ոչ մի տեղ չի աշխատել։ Սպանությունը հետաքննելու համար ստեղծվել է հատուկ օպերատիվ խումբ։