Լեւոն Արոնյան․ Ամեն ինչ կանեմ Հենրիխ Մխիթարյանին օգնելու համար
12:52 10 հուլիսի, 2013«Գերմանիայում Հենրիխ Մխիթարյանը կկարողանա ապացուցել, որ Եվրոպայի լավագույն ֆուտբոլիստներից է»։
Այդ մասին NEWS.am Sport-ի թղթակցի հետ զրույցում հայտնեց աշխարհի երկրորդ ուժեղագույն գրոսմայստեր Լեւոն Արոնյանը։ 30-ամյա շախմատիստը մեկնաբանեց Հայաստանի հավաքականի կիսապաշտպան Հենրիխ Մխիթարյանի՝ Դոնեցկի «Շախտյորից» Դորտմունդի «Բորուսիա» տեղափոխությունը։
«Շատ ուրախ եմ, որ Հենրիխ Մխիթարյանը տեղափոխվեց Գերմանիա: Նա կկարողանա ապացուցել, որ Եվրոպայի լավագույն ֆուտբոլիստներից է: Ես՝ որպես Գերմանիայի հնաբնակ, պատրաստ եմ ամեն բան անել Հենրիխին օգնելու համար, որպեսզի նա շուտ հարմարվի նոր երկրին:
Իմ փորձը ցույց է տալիս, որ Գերմանիան մարզիկների համար շատ լավ երկիր է: Այստեղ կյանքը շատ հանգիստ է եւ շատ է տարբերվում Հայաստանի կյանքից: Հենրիխն իր խառնվածքով ու աշխատասիրությամբ կարող է իրեն անհրաժեշտ էներգիան ստանալ այնտեղ:
Գերմանական թիմերից ես միշտ համակրել եմ Դորտմունդի «Բորուսիային»: Այժմ կսկսեմ իսկապես երկրպագել այդ թիմին»,- զրույցում հայտնեց Արոնյանը։
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.