Bild. Հենրիխ Մխիթարյանը փոխհամաձայնության է եկել «Բորուսիայի» հետ

10:44   5 հուլիսի, 2013

Չնայած անգլիական «Լիվերպուլի» ու «Տոտենհեմի» առաջարկներին՝ Հենրիխ Մխիթարյանը ցանկանում է տեղափոխվել Դորտմունդի «Բորուսիա», որի հետ փոխհամաձայնության է եկել պայմանագրի հարցում, գրում է Bild-ը: Գերմանական հեղինակավոր թերթն անդրադարձել է Հայաստանի հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանի տրանսֆերի հետ կապված լուրերին:

«Օբամեյանգի հետ պայմանագիր կնքած «Բորուսիան» ցանկանում է եւս մեկ աղմկահարույց տրանսֆեր իրականացնել՝ ձեռք բերելով Հենրիխ Մխիթարյանին: 24-ամյա Մխիթարյանը կարող է արժանի փոխարինող դառնալ Մյունխենի «Բավարիա» տեղափոխված Մարիո Գյոտցեին:

Դորտմունդցիները 23 միլիոն եվրո են առաջարկել կիսապաշտպանի համար, բայց «Շախտյորը» մերժել է՝ պահանջելով 30 միլիոն եվրո: Չնայած անգլիական «Լիվերպուլի» ու «Տոտենհեմի» առաջարկներին՝ Մխիթարյանը ցանկանում է տեղափոխվել «Բորուսիա», որի հետ արդեն փոխհամաձայնության է եկել պայմանագրի հարցում»,- գրում է Bild-ը:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.