Հենրիխ Մխիթարյանը՝ Ուկրաինայի առաջնության լավագույն ֆուտբոլիստ
17:25 2 հուլիսի, 2013Հայաստանի ազգային հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանն ուկրաինական Պրեմյեր լիգայի եւ երկրպագուների վարկածով ճանաչվել է Ուկրաինայի 2012-2013թթ․ առաջնության լավագույն ֆուտբոլիստ։
Հարցմանը մասնակցել են 853 ֆուտբոլիստներ։
Տարվա լավագույն մարզիչ է ճանաչվել «Շախտյորը» գլխավորող Միրչա Լուչեսկուն, ով 7-րդ անգամ է աժանանում նման պատվի։
Ուկրաինայի առաջնության լավագույն ֆուտբոլիստի եւ մարզիչի մրցանակաբաշխությունը կկայանա հուլիսի 10-ին Օդեսայում անցկացվելիք Սուպերգավաթի խաղից առաջ, հաղորդում է «Շախտյորի» կայքը։
Հիշեցնենք, որ Ուկրաինայի ավարտված առաջնությունում 24-ամյա Մխիթարյանը դարձավ 25 գոլի հեղինակ եւ, ճանաչվելով լավագույն ռմբարկու, սահմանեց Պրեմյեր լիգայի ռմբարկուական ռեկորդ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.