«Շախտյորի» գլխավոր տնօրեն. Եթե Մխիթարյանը չհայտնվի, ստիպված կլինենք տուգանել նրան
01:34 25 հունիսի, 2013Հունիսի 23-ին Հենրիխ Մխիթարյանը չմիացավ «Շախտյորի» հավաքին, թեեւ պարտավոր էր դա անել, «Спорта День за Днем»-ի թղթակցի հետ հունիսի 24-ի երեկոյան կայացած զրույցում ասել է ուկրաինական թիմի գլխավոր տնօրեն Սերգեյ Պալկինը:
«Թե ինչ պատճառով Հենրիխ Մխիթարյանը չի միացել թիմին՝ մենք չգիտենք: Եթե Մխիթարյանն առաջիկայում չհայտնվի թիմում, ստիպված կլինենք տուգանել նրան: Նա ոչ մի կոնտակտ «Լիվերպուլի» հետ չունի: Վստահ եմ, որ «Լիվերպուլի» հետ Մխիթարյանի բանակցությունների մասին լուրերը ընդամենը խոսակցություններ են: «Շախտյորը» Մխիթարյանի վերաբերյալ «Լիվերպուլից» առաջարկ չի ստացել: Որեւէ ենթադրություն չունեմ, թե ինչու է Մխիթարյանն իրեն այսպես պահում: Այդ մասին նրան հարցրեք: Հաստատ գիտեմ, որ նա կոնֆլիկտներ չի ունեցել թիմակիցների եւ մարզիչների հետ: «Շախտյորը» լքելու ցանկության մասին մենք նրանից չենք լսել: Այդ պատճառով նրա վարքի մասին բոլոր հարցերով դիմեք Մխիթարյանին»,- ասել է «Շախտյորի» գլխավոր տնօրեն Սերգեյ Պալկինը:
Հիշեցնենք, որ Հենրիխ Մխիթարյանը հունիսի 22-ին Ֆեյսբուքում տարածած հայտարարությունում նշել էր, որ շարունակում է հանգստանալ Փարիզում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.