Վարդան Մինասյան. Այս արդյունքը պատահական չէ
00:35 12 հունիսի, 2013«Մալթայի հետ խաղից հետո փոխվեց մեր հոգեբանությունը: Այդ խաղից հետո կար ընկճվածություն: Այսօր մենք տեսանք այն հավաքականը, որին պատրաստ ենք տեսնել:
Այս արդյունքը պատահական չէ: Առաջին երկու գոլերից հետո Դանիան նետվեց գրոհների, և մենք ստացանք ազատ գոտիներ»: Այս մասին Կոպենհագենում Դանիայի հավաքականին 4:0 հաշվով հաղթելուց հետո մամուլի ասուլիսում հայտարարել է Հայաստանի հավաքականի գլխավոր մարզիչ Վարդան Մինասյանը, փոխանցում է NEWS.am Sport-ի թղթակիցը Դանիայի մայրաքաղաքից:
«Մենք հենց այս մարտավարությունն էինք ըտրել՝ կոմպակտ պաշտպանվել եւ օգտագործել այն գոտիները, որոնք մեզ կտար մրցակիցը: Շատ կարեւոր էր նաեւ արագ գոլը: Այդ դեպքում մրցակիցը պետք է նետվեր առաջ:
Մենք շարունակելու ենք խաղալ հաղթանակի համար: Եթե հաղթենք հաջորդ բոլոր հանդիպումներում, ապա կպայքարենք խմբից դուրս գալու համար:
Ես պատահականությունների չեմ հավատում: Անգամ Մալթայի հետ խաղի արդյունքը պատահականություն չէր: Ամեն ինչում կա օրինաչափություն: Իմ համար առաջնայինը արդյունքը չէր: Այլ ավելի կարեւոր էր թիմային ոգին: Լավագույն ֆուտբոլիստի չեմ առանձնացնի, Դուք որոշեք, թե ով է ըստ Ձեզ լավագույնը»,- ասել է Վարդան Մինասյանը:
NEWS.am Sport-ը Դանիա - Հայաստան հանդիպումը լուսաբանում է Կոպենհագենից հայաստանյան «Վիվառո» բուքմեյքերական ընկերության աջակցությամբ:
Վերա Մարտիրոսյան՝ Կոպենհագենից
Ֆոտո՝ Պարույր Սինյավսկի / NEWS.am Sport
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.