Sports.ru. Մխիթարյանն իր անունը ոսկե տառերով գրեց ուկրաինական ֆուտբոլի պատմության մեջ
11:13 6 հունիսի, 2013Այժմ դժվար է պատկերացնել «Շախտյորն» առանց Հենրիխ Մխիթարյանի, գրում է Sports.ru-ի «Ուկրաինաֆոբիա» բլոգը։
Բլոգը որոշել է Ուկրաինայի ավարտված առաջնության կարեւորագույն 8 գործող անձերին։ Նրանց թվում են Օլեգ Բլոխինը, Միգել Վելոզուն, Խոսե Էրնեստո Սոսան, Անատոլի Կոնկովը, Իգոր Կոլոմոյսկին, Միրոն Մարկեւիչը, Ռոման Զազուլյան եւ Հենրիխ Մխիթարյանը։
Հայաստանի հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանի մասին կայքը գրում է.
«Այս ցուցակում հայ ֆուտբոլիստին պետք է ընդգրկել մեկ նվաճման համար՝ Ուկրաինայի առաջնության մեկ մրցաշրջանում 25 գոլ։ Նա գերազանցել է Մաքսիմ Շացկիխի եւ Սերգեյ Ռեբրովի ռեկորդը (22-ական գնդակ)։ Մխիթարյանի տրանսֆերի գինը երկու անգամ աճել է եւ նա անփոխարինելի է դարձել «Շախտյորում»։ Թիմի հարձակման գծում նա միակ ոչ բրազիլացին է, ով իրեն այդքան վստահ է զգում։ Այժմ դժվար է պատկերացնել «Շախտյորն» առանց Հենրիխ Մխիթարյանի, ում մասին իբր երազում են «Լիվերպուլը» եւ Եվրոպայի մյուս առաջատար ակումբները։
Մխիթարյանն իր անունը ոսկե տառերով գրեց ուկրաինական ֆուտբոլի պատմության մեջ ։ Նա դարձել է Դոնեցկի «Շախտյորի» լավագույն ֆուտբոլիսստը»։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։