Սամբոյի Հայաստանի հավաքականը կմասնակցի «Պուտինի Գավաթին»
17:59 5 հունիսի, 20132013-ի հունիսի 6-ից 8-ը Մոսկվայում կանցկացվի «Պուտինի Գավաթ»՝ սամբոյի միջազգային մրցաշարը, որին մասնակցելու հրավեր են ստացել ԽՍՀՄ նախկին 15 հանրապետությունների տղամարդկանց հավաքականները, հաղորդում է ՀՍՖ-ի կայքը։
Քանի որ մրցաշարն անցացվելու է թիմային՝ «պատը պատի դեմ» սկզբունքով, հավաքականները պետք է մարզիկի ներկայացնեն բոլոր ինը քաշային կարգերում: Հայաստանի հավաքականը մրցաշարին մասնակցելու է որոշակի կորուստներով. վերջին պահին պարզվեց, որ չի լուծվել +100կգ քաշային կարգում հանդես եկող, ՀՀ Զինված ուժերում ծառայություն անցնող Արտյուշա Մկրտչյանի՝ Մոսկվա մեկնելու թույլտվության հարցը, ինչն էլ ենթադրում է, որ թիմը բոլոր մրցամարտերում ավտոմատ կերպով ստանալու է մեկ պարտություն: Իսկ վնասվածք ստացած, աշխարհի չեմպիոն Աշոտ Դանիելյանին, սամբոյի ֆեդերացիայի ղեկավարությունը, հարկադրված փոխարինել է այլ մարզիկով:
Հայաստանի հավաքական
Գրիգոր Մխիթարյան՝ 52կգ, Տիգրան Կիրակոսյան՝ 57կգ, Վահան Նիկոլյան՝ 62կգ, Մարտին Միրզոյան՝ 68կգ, Մավրիկ Նասիբյան՝ 74կգ, Մհեր Կարապետյան՝ 82կգ, Դավիթ Գրիգորյան՝ 90կգ, Հակոբ Առաքելյան՝ 100կգ։
Պատվիրակության կազմում Մոսկվա կմեկնեն նաեւ մարզիչներ Վովիկ Խոջայանն ու Էռնեստ Միրզոյանը, մրցավար՝ Էդուարդ Ասլանյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։