Հենրիխ Մխիթարյանը ներողություն է խնդրել Հայաստանի հավաքականի ֆուտբոլիստներից
15:22 5 հունիսի, 2013Ես տաքարյուն, զգացմունքային մարդ եմ: Իմ խաղընկերները գիտեն դա: Այդ մասին հայտարարել է Հայաստանի ազգային հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանը: Անգլիական «Լիվերպուլի» հետաքրքրության ոլորտում գտնվող 24-ամյա ֆուտբոլիստն անդրադարձել է մարտի 26-ին կայացած Հայաստան – Չեխիա (0:3) խաղից հետո տեղի ունեցած միջադեպին, երբ ինքը քննադատել էր թիմակիցներին:
Հարցին, թե լարվածություն կա՞ ազգային թիմում, Հենրիխը պատասխանել է.
«Ոչ, իհարկե, ոչ մի լարվածություն չկա: Ես տաքարյուն, զգացմունքային մարդ եմ: Իմ խաղընկերները գիտեն դա: Ես, օգտվելով առիթից, ցանկանում եմ ներողություն խնդրել թե՛ իմ բոլոր խաղընկերներից, թե՛ մեր ֆուտբոլի բոլոր երկրպագուներից: Դրանք զգացմունքային արտահայտություններ էին, որ լարվածությամբ էին թելադրված:
Մեր ազգային հավաքականում, ինչպես միշտ, շատ լավ մթնոլորտ է, շատ լավ ու ընկերական հարաբերություններ են: Իհարկե, կան մարդիկ, ովքեր շատ կցանկանան, որ հավաքականում անառողջ մթնոլորտ լինի, բայց ես պետք է այդ տեսակ մարդկանց տխրեցնեմ: Մեր ազգային հավաքականը մի ընտանիք է: Լավ ընտանիք: Մենք բոլորս միշտ հավաքվում ենք մեկ նպատակի՝ հաղթելու համար եւ այս անգամ էլ ամեն ինչ անելու ենք, որ հաղթենք եւ ուրախություն պարգեւենք մեր երկրպագուներին»,- Մխիթարյանի խոսքը մեջբերում է ՀՖՖ կայքը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.