Վարուժան Հակոբյանը` Ֆիլադելֆիայի մրցաշարի երկրորդ մրցանակակիր

18:39   9 ապրիլի, 2012

Գրոսմայստեր Վարուժան Հակոբյանը (ԱՄՆ) Ֆիլադելֆիայում ավարտված մրցաշարում 9 հնարավորից վաստակեց 6,5 միավոր եւ նվաճեց երկրորդ մրցանակը: Նա միայն կես միավոր հետ մնաց հաղթողից` գրոսմայստեր Մագեշ Պանչանատանից (Հնդկաստան): 

Գրոսմայստեր Վիգեն Միրումյանը (Չեխիա) Գերմանիայի Նորդերշտադտ քաղաքում անցկացվող մրցաշարում յոթ տուրից հետո վաստակել է 5 միավոր: Նա մեկ միավոր է հետ առաջատարներից` գրոսմայստերներ Լասլո Գոնդայից (Հունգարիա) եւ Արթուրս Նեյկսանսից (Լատվիա): 

Գրոսմայստեր Սերգեյ Մովսիսյանը եւ տասը այլ հայ շախմատիստներ ապրիլի 9-15-ը մասնակցում են Ռուսաստանի թիմային առաջնությանը: Մովսիսյանը խաղում է «Սանկտ Պետերբուրգ» ակումբի կազմում: Դեսնոգորսկի «Ատոմ» թիմի վեց հիմնական անդամներից հինգը հայեր են (Պողոս Նահապետյան, Բենիամին Գալստյան, Վարդգես Թովմասյան, Սարգիս Մանուկյան, Գեորգի Պողոսյան), հաղորդում է Armchess.am-ը:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.