Մյունխենի «Բավարիան»՝ Գերմանիայի 16-ակի գավաթակիր
23:52 1 հունիսի, 2013Մյունխենի «Բավարիան» 16-րդ անգամ դարձավ ֆուտբոլի Գերմանիայի գավաթակիր՝ այդ ցուցանիշով թարմացնելով սեփական ռեկորդը:
Գերմանիայի գավաթի խաղարկության եզրափակիչում Յուպ Հայնկեսի թիմը 3:2 հաշվով պարտության մատնեց «Շտուտգարտին»:
Բեռլինի «Օլմիպիաշտադիոն» ստադիոնում կայացած խաղի հաշիվը 42-րդ րոպեին բացեց «Բավարիայի» գերմանացի կիսապաշտպան Թոմաս Մյուլերը: Ընդմիջումից հետո Գերմանիայի հավաքականի հարձակվող Մարիո Գոմեսը դարձավ դուբլ հեղինակ՝ եռապատկելով «Բավարիայի» առավելությունը: Խաղի վերջնամասում 2 գնդակ խփեց նաեւ «Շտուտգարտի» ավստրիացի կիսապաշտպան Մարտին Հարնիկը, սակայն դա մյունխենցիներին չխանգարեց պահպանել հաղթական հաշիվը:
«Բավարիան» 2012/2013 մրցաշրջանում նվաճեց բոլոր հնարավոր տիտղոսները՝ դառնալով Գերմանիայի չեմպիոն, Գերմանիայի գավաթակիր, Գերմանիայի սուպերգավաթակիր եւ Չեմպիոնների լիգայի հաղթող:
Յուպ Հայնկեսը վերջին խաղն անցկացրեց մյունխենյան ակումբի գլխավոր մարզիչի պաշտոնում, որն առաջիկայում կզբաղեցնի Խոսեպ Գվարդիոլան:
Գերմանիայի Գավաթ. եզրափակիչ
«Բավարիա» - «Շտուտգարտ»՝ 3:2
Թոմաս Մյուլեր, 42 (11մ.), Մարիո Գոմես, 48, 61 – Մարտին Հարնիկ, 71, 80
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.