Le Monde. Մեդիտացիա` քայլելիս
16:31 9 ապրիլի, 2012Ֆրանսիական Le Monde-ը պատմում է քայլելու ընթացքում մեդիտացիա անելու տեխնիկայի մասին:
«Սպորտ եւ մարզավիճակ» բաժնի վարող Ստեֆան Մադարը ներկայացրել է իր առաջին փորձը:
«Աշխատանքի գնալիս ես միշտ մետրո եմ նստում: Փարիզի մետրոն առանձին մոլորակ է, որտեղ պետք է կարողանալ արագ քայլել: Այդ պատճառով ես սկսեցի կիրառել ռիթմիկ շնչառություն, որը օգնում է չհոգնել երկար անցումների ժամանակ: Տեխնիկան բարդ չէ` չորս քայլ մեկ շնչելու եւ չորս քայլ արտաշնչելու ժամանակ: Մեդիտատիվ քայլքի հիմքում համաչափությունն է: Ձեր քայլքի ռիթմը պետք է համընկնի շնչառության ռիթմի հետ:
Մեդիտատիվ քայլքը բացահայտել է Էդուարդ Ստիգլերը, որը 1970-1980-ականներին Աֆղանստանում իրականացնում էր տնտեսական խրախուսման ծրագիր: Նա նկատել է, որ Աֆղանստանի մալդարների քոչվոր ցեղերում մարդիկ տարբեր բարդության տեղանքներում օրական հաղթահարում են ավելի քան 200 կմ: Նրանց շնչառությունը մնում է կայուն եւ համաչափ` լինեն անապատում, տափաստանում, թե լեռներում:
Տեխնիկայի տարբերակներից մեկն էլ հետեւյալն է. շնչելուց կատարվում է երեք քայլ, մեկ քայլ` շնչառության պահում եւ արտաշնչում` եւս երեք քայլ: Պահելով շնչառությունը` հնարավորություն է տրվում պահել թթվածինը թոքերում եւ հանգստացնել սրտի ռիթմը»,- գրում է Le Monde-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.