Ժակ Ռոգե. ՄՕԿ-ի նախագահի թեկնածուները հրաժարվել են աշխատավարձից

19:44   31 մայիսի, 2013

Միջազգային օլիմպիական կոմիտեի նախագահի վեց թեկնածուներն ընտրվելու դեպքում կհրաժարվեն նախագահի աշխատավարձից, մայիսի 31-ին Սանկտ Պետերբուրգում հայտարարել է ՄՕԿ-ի նախագահ Ժակ Ռոգեն: ՄՕԿ-ի նախագահի ընտրությունը տեղի կունենա սեպտեմբերի Բուենոս Այրեսում:

«ՄՕԿ-ի գործկոմի նիստում մենք քննարկեցինք ՄՕԿ-ի նախագահի աշխատավարձի հարցը: Երիտասարդները պետք է մտածեն իրենց ընտանիքների մասին, նրանց համար այդ թեման կարող է կարեւոր լինել: Բայց վեց թեկնածուները հրաժարվեցին ընտրվելու դեպքում աշխատավարձ ստանալ: Եթե իրավիճակը փոխվի, գործկոմը պատրաստ է ընդունել համապատասխան որոշում»,- Ռոգեի խոսքը մեջբերում է allsportinfo.ru-ն:

ՄՕԿ-ի նախագահի պաշտոնին հավակնում են ՄՕԿ-ի գործկոմի անդամ, օլիմպիական չեմպիոն, ձողացատկի աշխարհի ռեկորդակիր Սերգեյ Բուբկան (Ուկրաինա),  ՄՕԿ-ի փոխնախագահ Տոմաս Բախը (Գերմանիա), ՄՕԿ-ի փոխնախագահ Նըգ Սեր Միանգը (Սինգապուր), ՄՕԿ-ի գործկոմի անդամ Ռիչարդ Քերիոնը (Պուերտո Ռիկա), Սիրողական բռնցքամարտի միջազգային ասոցիացիայի նախագահ Չինգ-Կուո Վուն (Թայվան) եւ Թիավարության միջազգային ֆեդերացիայի նախագահ Դենիս Օսվալդը (Շվեյցարիա):



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.