Հենրիխ Մխիթարյանը թարմացրեց սեփական ռեկորդը

20:10   26 մայիսի, 2013

Դոնեցկի «Շախտյորի» կիսապաշտպան Հենրիխ Մխիթարյանը թարմացրեց ֆուտբոլի Ուկրաինայի առաջնության ռմբարկուական ռեկորդը` 25 գոլ:

Ուկրաինական Պրեմյեր լիգայի 30-րդ տուրում «Շախտյորը» 2:0 հաշվով հաղթում է Դոնեցկի «Մետալուրգին»: 49-րդ րոպեին Հայաստանի հավաքականի կիսապաշտպանը խփեց Դոնեցկի թիմի երկրորդ գնդակը՝ Ուկրաինայի ընթացիկ առաջնությունում իր գոլերի քանակը հասցնելով 25-ի: Ուկրաինական Պրեմյեր լիգայի լավագույն ռմբարկուի ռեկորդը երկար ժամանակ պատկանում էր ուկրաինացի Սերգեյ Ռեբրովին եւ ուզբեկ Մաքսիմ Շաչկիխին, ովքեր մեկ առաջնության ընթացքում խփել են 22-ական գնդակ: Վերջերս 24-ամյա Մխիթարյանը 2 գնդակով գերազանցել էր այդ ռեկորդը, իսկ հիմա նաեւ թարմացրեց այն:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։