«Սպարտակն» ու «Կուբանը» Եվրոպայի լիգայի ուղեգիր նվաճեցին, «Դինամոն» մնաց առանց եվրագավաթների

15:24   26 մայիսի, 2013

Ավարտվեց ֆուտբոլի Ռուսաստանի 2012/2013թթ. առաջնությունը:

Վերջին՝ 30-րդ տուրում չեմպիոնի տիտղոսն ապահոված ԲԿՄԱ-ն արտագնա խաղում 0:3 հաշվով պարտվեց «Ռոստովին», իսկ բրոնզե մեդալակիր Սանկտ Պետերբուրգի «Զենիթը» Պերմում ոչ ոքի խաղաց «Ամկարի» հետ՝ 0:0:

Մոսկվայի «Սպարտակը» ռուս պաշտպան Սերգեյ Բրիզգալովի եւ վրացի կիսապաշտպան Ժանո Անանիձեի խփած գոլերի շնորհիվ տանը 2:0 հաշվով հաղթեց հետնապահ «Ալանիային» եւ զբաղեցրեց չորրորդ տեղը: Հայաստանի հավաքականի հարձակվող Յուրա Մովսիսյանը «Սպարտակի» կազմում մասնակցեց ամբողջ հանդիպմանը, սակայն չկարողացավ աչքի ընկնել՝ ունենալով մի քանի գոլային պահեր:

5-րդ տեղը զբաղեցրած «Կուբանը» Կրասնոդարում նվազագույն հաշվով պարտության մատնեց բրոնզե մեդալակիր Մախաչկալայի «Անժիին», իսկ Մոսկվայի «Դինամոն» տանը 0:0 հաշվով վաարտեց խաղը Նիժնի Նովգորոդի «Վոլգայի» հետ: Դինամոյականների վրիպումից օգտվեց Կազանի «Ռուբինը», որը 2:0 հաշվով հաղթեց «Կրասնոդարին» եւ բարձրացավ 6-րդ տեղ:

ԲԿՄԱ-ն ու «Զենիթը» հաջորդ մրցաշրջանում հանդես կգան Չեմպիոնների լիգայում, իսկ «Անժին», «Սպարտակը», «Կուբանը» եւ «Ռուբինը» Եվրոպայի լիգայի ուղեգիր նվաճեցին: 7-րդ տեղը գրաված «Դինամոն» մնաց առանց եվրագավաթների:

Վլադիկավկազի «Ալանիան» ու Սարանսկի «Մորդովիան» հաջորդ մրցաշրջանում կխաղան Առաջին դիվիզիոնում, իսկ Սամարայի «Կռիլյա Սովետովն» ու «Ռոստովն» անցումային խաղեր կանցկացնեն տեղը Պրեմյեր լիգայում պահպանելու համար:

Ռուսաստանի առաջնություն. 30-րդ տուր

«Սպարտակ» - «Ալանիա»՝ 2:0

Սերգեյ Բրիզգալով, 38, Ժանո Անանիձե, 79

Հեռացում՝ Ակես Գորե Դակոստա, 6 («Ալանիա»)

«Դինամո» - «Վոլգա»՝ 0:0

«Ամկար» - «Զենիթ»՝ 0:0

«Ռուբին» - «Կրասնոդար»՝ 2:0

Ռոման Երեմենկո, 7, Բիբրաս Նատխո, 63

«Ռոստով» - ԲԿՄԱ՝ 3:0

Դմիտրի Պոլոզ, 19, Կակու Գելոր Կանգա, 45, Դանկո Լազովիչ, 56

«Լոկոմոտիվ» - «Մորդովիա»՝ 2:1

Ալեքսանդր Սոմեդով, 16 (11մ.), Դամե Ն՛Դոյե, 26 – Անդրեյ Պազին, 90

«Թերեկ» - «Կռիլյա Սովետով»՝ 4:1

Էզեկյել Նդուասել, 41, Բենուա Անգբվա, 66 (ինքնագոլ), Անտոնիո Ֆերեյրա, 70, Կանու 77, – Լուիս Կաբալյերո, 49

«Կուբան» - «Անժի»՝ 1:0

Իվելին Պոպով, 23



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.