Դերենիկ Դումանյան. Չեմպիոններ եք, որովհետեւ առաջին հերթին հաղթել եք ձեր հիվանդությունը
11:44 20 մայիսի, 2013ԱՊՀ-ում առաջին անգամ կազմակերպված հայկական տրանսպլանտ խաղերի փակմանը մասնակցել է նաեւ ՀՀ առողջապահության նախարար Դերենիկ Դումանյանը: «Դինամո» մարզահամալիրում անցկացված խաղերի նախաձեռնողը «Արաբկիր» բժշկական համալիրն էր։ Հինգ մարզաձեւով իրենց ուժերը չափեցին փոխպատվաստված երիկամով 17 մարզիկ։
Սպորտային խաղերին մասնակցությունը եւ հետագա մարզումները կնպաստեն Հայաստանի փոխպատվաստված օրգանով մարդկանց կյանքի որակի, նրանց ֆիզիկական եւ հոգեկան վիճակի բարելավմանը:
Շնորհավորելով խաղերի մասնակիցներին Դերենիկ Դումանյանն ասաց. «Հարգարժան պրոֆեսոր Բաբլոյան, հարգելի հյուրեր, սիրելի մարզիկներ, այսօր ես հպարտ եմ, որ պատիվ ունեմ ողջունելու տրանսպլանտ առաջին խաղերի մասնակիցներին։ Ուզում եմ հատուկ շեշտել, որ դուք բոլորդ չեմպիոններ եք։ Չեմպիոններ եք, որովհետեւ առաջին հերթին հաղթել եք ձեր հիվանդությունը։ Դուք չեմպոն եք, որովհետեւ ուժեղ մարդիկ եք եւ հաղթել եք նրանով, որ ապացուցել եք, որ հաղթող տեսակ եք։
Ես ուզում եմ շնորհակալություն հայտնել բոլորիդ։ Կուզեի, որ ձեր նման հաղթող ոգի ունեցող մարդիկ մեր շրջապատում շատ լինեն` ամեն պարագայում։ Ուզում եմ նշել նաեւ, որ ձեր հաղթանակն ապահովել են նաեւ մեր հարգարժան բժիշկները` պրոֆեսոր Բաբլոյանի գլխավորությամբ։
Ուզում եմ, որ բոլորն իմանան, որ մեզանից ամեն մեկը կարող է հաղթել հիվանդությունը` բժիշկների օգնությամբ եւ յուրաքանչյուր պահի։
Ես բոլորիդ շնորհավորում եմ եւ ցանկանում, որ ձեր հաջորդ մրցասպարեզը լինեն օլիմպիական խաղերը։ Արիություն ձեզ»։
Համաշխարհային տրանսպլանտ խաղերը հիմնադրվել են 1978 թվականին Լոնդոնում բժիշկ Մորիս Սլապակի կողմից, ով Հայաստան էր ժամանել հատուկ այս միջոցառմանը մասնակցելու նպատակով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.