Միշել Տեր-Զաքարյան. Շնորհակալություն ֆուտբոլիստներին, ակումբի ղեկավարությանը եւ կնոջս
11:56 18 մայիսի, 2013Ես անչափ ուրախ եմ, որ իմ «Նանտը» դուրս եկավ բարձրագույն լիգա, հայտարարել է ֆրանսիական «Նանտի» գլխավոր մարզիչ Միշել Տեր-Զաքարյանը: Հայաստանի հավաքականի նախկին խաղացողի թիմը Ֆրանսիայի երկրորդ դիվիզիոնի առաջնության 37-րդ տուրում նվազագույն հաշվով հաղթեց «Սեդանին» եւ առաջնության ավարտից մեկ տուր առաջ ապահովեց երկրորդ տեղն ու բարձրագույն լիգայի ուղեգիրը, հաղորդում է France Football-ը:
«Ես ուրախ եմ եւ երջանիկ: Երբ տեսնում ես խաղադաշտ դուրս եկած երկրպագուներին, որոնք գրկախառնվում են քեզ հետ, հասկանում ես, որ զուր չես աշխատել ամբողջ տարին: Ես ուրախ եմ ամբողջ ակումբի համար, ֆուտբոլիստները կատարեցին իմ հրահանգները, իսկ ակումբի ղեկավարությունը չխանգարեց աշխատանքիս՝ լիովին վստահելով ինձ: Ես շնորհակալ եմ նաեւ կնոջս, որը դիմացել է ինձ եւ իմ նյարդերին»,- ասել է Միշել Տեր-Զաքարյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.