Երեւանում կանցկացվեն փոխպատվաստված օրգանով մարդկանց հայկական առաջին խաղերը

17:04   16 մայիսի, 2013

Մայիսի 17-ին Երեւանի «Դինամո» մարզադահլիճում կանցկացվեն Հայկական առաջին տրանսպլանտ խաղերը` Հայաստանի փոխպատվաստված օրգանով մարդկանց մասնակցությամբ:

Բացման արարողությունից հետո «Դինամո» մարզահամալիրում կանցկացվեն սեղանի թենիսի մրցումները, այնուհետեւ լողի, բոուլինգի, թենիսի եւ վազքի մրցումները` «Ակվատեկ» ջրային համալիրում, «Արենա բոուլինգ» եւ «Օրանժ թենիս» ակումբներում:

Միջոցառումները կազմակերպում է «Արաբկիր»  բժշկական համալիրը՝ «ԱՍՏԵԼԱՍ Ֆարմա Յուրոպ» ընկերության աջակցությամբ:

Սպորտային խաղերին մասնակցությունը եւ հետագա մարզումները կնպաստեն  Հայաստանի փոխպատվաստված օրգանով մարդկանց կյանքի որակի, նրանց ֆիզիկական եւ հոգեկան վիճակի բարելավմանը:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։