Մխիթարյան. Բարձրագույն ֆուտբոլային արդարություն կա, որ ռեկորդային գոլս «Տավրիային» էր

16:45   14 մայիսի, 2013

Բարձրագույն ֆուտբոլային արդարություն կա, որ ռեկորդային գոլս «Տավրիային» էր, երեք տարի առաջ հենց «Տավրիան» խանգարեց նվաճել առաջին տիտղոսս Ուկրաինայում, ասել է Դոնեցկի «Շախտյորի» եւ Հայաստանի հավաքականի կիսապաշտպան Հենրիխ Մխիթարյանը, որը Ուկրաինայի առաջնության 28-րդ տուրում երկու գնդակ ուղարկեց «Տավրիայի» դարպասը եւ սահմանեց Ուկրաինայի առաջնությունների արդյունավետության ռեկորդ՝ 24 գոլ: «Շախտյորը» հաղթեց 5:0 հաշվով:

«Ես ցանկանում էի ռեկորդային ցուցանիշին հասնել խաղից խփած գոլերով եւ խուսափում էի 11 մետրանոցներից: Սակայն խաղից առաջ Միրչա Լուչեսկուն ասաց, որ 11 մետրանոցի դեպքում ինձ վստահեն: Փառք Աստծո, որ ամեն ինչ հենց այսպես դասավորվեց՝ եւ ինքս ինձ տված խոստումս չխախտեցի, եւ մարզիչի ասածը կատարեցի:

Երեք տարի առաջ «Մետալուրգում» հենց «Տավրիան» խանգարեց ինձ նվաճել առաջին տիտղոսս Ուկրաինայում՝ հաղթելով գավաթի խաղարկության եզրափակիչում: Այժմ ես խփում եմ ռեկորդային գոլս հենց այս թիմին: Հնարավոր է՝ այստեղ կա ինչ-որ բարձրագույն ֆուտբոլային արդարություն»,- Հենրիխ Մխիթարյանի խոսքը մեջբերում է segodnya.ua-ն:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։