Հայ հանդբոլիստուհիները մեկնում են Ավստրիա

16:24   14 մայիսի, 2013

Հանդբոլի կանանց Հայաստանի մինչեւ 19 տարեկանների հավաքականը մայիսի 15-ին կուղեւորվի Ավստրիա, որտեղ կմասնակցի Եվրոպայի առաջնության ընտրական մրցաշարին: Հայաստանի թիմն ընգրկված է 5-րդ խմբում, որտեղ կմրցի Ավստրիայի, Հոլանդիայի եւ Բուլղարիայի հավաքականների հետ (խաղերի օրերն են՝ մայիսի 17, 18 եւ 19):

Հայաստանի հավաքականը լրջորեն է նախապատրստվել: Նոյեմբերից թիմը կանոնավոր մարզումներ է անցկացրել: Բացի այդ, թիմը վերջերս Թբիլիսիում ստուգողական հանդիպումներում մրցել է Վրաստանի 4 լավագույն թիմերի հետ՝ հաղթելով բոլոր խաղերում:

Հավաքականի մարզիչներ Աստղիկ Գյուրջինյանը եւ Անահիտ Հարությունյանը հայտնել են, որ թեեւ մրցակիցներն ուժեղ են, սակայն հանդբոլիստուհիները տրամադրված են լավ խաղ ցուցադրելու եւ պատվով դուրս գալու փորձությունից: Հավաքականի կազմը համալրելու են  նաեւ Ֆրանսիայում բնակվող 3 մարզուհիներ, ովքեր իրենց թիմակիցներին կմիանան մրցավայրում:

Այս տարիքի հայ հանդբոլիստուհիները նորմուտը կնշեն եվրոպական մրցաշարում:

Հայաստանի պատվիրակության կազմում են` Հայաստանի հանդբոլի ֆեդերացիայի նախագահության անդամներ՝ Աննա Մելքոնյանը (գլխավոր քարտուղար), Հերմինե Դուզյանը (Ֆրանսիա), դարպասապահներ` Սոֆիկ Թորոսյանը, Մարգո Թերզյանը,մարզահրապարակի եւ խաղացողներ` Անի Ասատրյանը, Լուիզա Թուխիկյանը, Մերի Վահանյանը, Լիլիթ Ավագյանը, Անի Գաբրիելյանը, Մարիամ Մուրադյանը, Անահիտ Մուրադյանը, Մարիամ Առաքելյանը, Լուսինե Մխիթարյանը, Արուս Սուքիասյանը, Սաշա Բոյաջյանը (Ֆրանսիա), Լորենա Կորկոտյանը (Ֆրանսիա), փոխանցում է armhandball.am-ը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։