Հենրիխ Մխիթարյան - ռեկորդ

Դոնեցկի «Շախտյորի» կիսապաշտպան Հենրիխ Մխիթարյանը ֆուտբոլի Ուկրաինայի առաջնության ռմբարկուական ռեկորդ սահմանեց:

Ուկրաինական Պրեմյեր լիգայի 28-րդ տուրում «Շախտյորը» 4:0 հաշվով հաղթում է Սիմֆերոպոլի «Տավրիային»: 74-րդ րոպեին Հայաստանի հավաքականի կիսապաշտպանը խփեց Դոնեցկի թիմի չորրորդ գնդակը՝ Ուկրաինայի ընթացիկ առաջնությունում իր գոլերի քանակը հասցնելով 23-ի: Ուկրաինական Պրեմյեր լիգայի լավագույն ռմբարկուի նախորդ ռեկորդը պատկանում էր ուկրաինացի Սերգեյ Ռեբրովին եւ ուզբեկ Մաքսիմ Շաչկիխին, ովքեր մեկ առաջնության ընթացքում խփել են 22-ական գնդակ: