«Մանչեսթեր Յունայթեդ». Ռունին ցանկանում է հեռանալ, Ռոնալդուն՝ վերադառնալ
12:45 9 մայիսի, 2013Անգլիայի հավաքականի հարձակվող Ուեյն Ռունին ցանկանում է հեռանալ «Մանչեսթեր Յունայթեդից»՝ իր կարիերայում նոր մարտահրավերների հանդիպելու համար, գրում է Daily Mail-ը:
27-ամյա անգլիացին իր որոշման մասին արդեն հայտնել է թիմի գլխավոր մարզիչ Ալեքս Ֆերգյուսոնին, սակայն Անգլիայի 20-ակի չեմպիոնը հրաժարվել է տրանսֆերի հանել նրան, թեեւ մանչեսթերցիները պատրատվում են ամռանը ձեռք բերել Մադրիդի «Ռեալի» պորտուգալացի ռմբարկու Կրիշտիանու Ռոնալդուին, ով «Օլդ Տրաֆորդում» հանդես է եկել 2003-2009-ը: «Մանչեսթեր Յունայթեդի» ներկայացուցիչներն արդեն բանակցել են Պորտուգալիայի հավաքականի ավագի գործակալների հետ:
71-ամյա Ալեքս Ֆերգյուսոնի՝ կարիերան ավարտելու մասին հայտարարությունից հետո Ռունին վստահ չէ, որ բավականաչափ խաղային ժամանակ կստանա նոր մարզիչի գլխավորությամբ:
Ստեղծված իրավիճակից կարող է օգտվել Լոնդոնի «Չելսին», որը պատրաստ է 25 միլիոն ֆունտ ստերլինգ առաջարկել Ռունիին ձեռք բերելու համար: Լոնդոնցիների նոր գլխավոր մարզիչի հիմնական հավակնորդ Ժոզե Մոուրինյոն ցանկանում է իր թիմում տեսնել Ռունիին: Պորտուգալացին անգլիացուն կտրամադրի կենտրոնական հարձակվողի դիրքը, որը ժամանակին «Չելիսում» զբաղեցնում էր Դիդյե Դրոգբան:
Հիշեցնենք, որ Ռունիի ծառայություններով հետաքրքրված են նաեւ ֆրանսիական ՊՍԺ-ն ու Մյունխենի «Բավարիան»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.