«Շախտյորը» չպահպանեց հաղթական հաշիվը

18:47   4 մայիսի, 2013

Ուկրաինական Պրեմյեր լիգայի 27-րդ տուրում չեմպիոնի տիտողոսն ապահոված Դոնեցկի «Շախտյորը» մրցակից խաղադաշտում ոչ ոքի խաղաց Մարիուպոլի «Իլիչեւեցի» հետ՝ 1:1:

13-րդ րոպեին բրազիլացի կիսապաշտպան Ալան Պատրիկն առաջ մղեց «Շախտյորին», սակայն 73-րդ րոպեին ուկրաինացի հարձակվող Ալեքսանդր Մանձյուկ խփեց «Իլիչեւեցի» պատասխան գնդակը՝ ձեւակերպելով խաղի վերջնական հաշիվը:

Ուկրաինայի առաջնության ռմբարկուական ռեկորդը կրկնած Հենրիխ Մխիթարյանը «Շախտյորի» փոխարինողների թվում էր եւ խաղադաշտ դուրս եկավ ընդմիջումից անմիջապես հետո, իսկ 72-րդ րոպեին զգուշացվեց: Հայաստանի հավաքականի կիսապաշտպանը 22 գոլ է խփել Ուկրաինայի ընթացիկ առաջնությունում ու մնացած 3 տուրերում եւս մեկ անգամ աչքի ընկնելու դեպքում արդյունավետության ռեկորդ կսահմանի:

Ուկրաինայի առաջնություն. 27-րդ տուր 

«Իլիչեւեց» - «Շախտյոր»՝ 1:1

Ալեքսանդր Մանձյուկ, 73 – Ալան Պատրիկ, 13



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։